TØHmbs down - men med ekte bilete og ein filmsnutt

Onsdag 19.mars spelte vi vår sjuande volleyballkamp i 2014. 

Motstandarane denne gongen var Trondheims Økonomiske Høyskole - TØH - derav lagnamnet TØHmbs up. 

TØH har eigentleg skifta namn til Handelshøyskolen i Trondheim - HIT, sjølv om dei ikkje har noko tilknytning til Handelshøyskolen i Bergen. 

Ein motspelar eg prata med innrømde at det var fordi namnet hadde prestisje i seg.

Her er laget vi stilte med:

Laget vårt. Frå venstre: Odd (11),  Asta (2),  meg (4),  Harald (3) og lagleiar Bjørn (10).

Vi var fem spelarar denne gongen, noko som gjorde at vi ikkje kunne stå i vår sedvanlege sekk-formasjon.

Vi prøver å finne ut korleis vi skal stå. Sekk-formasjon funkar ikkje med 5 på bana.

Odd seier at han vil ha ei dame på kvar side og viser kor dei skal stå. Bjørn er skeptisk.

Men Odd fekk det som han ville, og han ser rett nøgd ut.

Dei som er på mailing-lista til Volleyball-laget (som eg reknar med er dei einaste som les dette), veit at Bjørn stal overskrifta mi til dette innlegget i førre mail han sendte ut.
 Det laud noko slik som dette: "Kampen blei tommelen opp for TØHmbs up, og tommelen ned for SVV." Eg trudde eg var den einaste som kunne kome opp med dette geniale ordspelet.

Her kjem det ein liten serve-bileteserie:

Bjørn (han som stal overskrifta mi) prøver å skåne skuldra si og tar ein underarmserve

Asta kanaliserer energien sin ut i ein serve

Harald har berre ein kne-beskyttar

TØH stilte med eit sterkt lag denne gongen (vi slo dei sist, og dei ligg lågare på tabellen enn oss), og i kombinasjon med at vi var litt i ubalanse, førte det til 0-3 tap. Vi var nær ved å vinne tredje settet, men det gjekk altså ikkje, trass i Asta sitt fantastiske raseri/energinivå.

Bjørn tar nokre utfall medan ballen er på andre sida

Her er ein liten bileteserie om Odd:

Odd er klar for å ta i mot

Odd i lufta

Odd vart sliten etter all hoppinga.

Det skal også nemnast at Asta hadde skaffa oss ein tilskodar som tok alle desse bileta som eg har spreidt litt vilkårleg rundt i teksta for å bryte den opp og gjere det enklare å lese.

Her kjem ein liten filmsnutt som blei avbrote av at fotografen blei treft av ballen.

Ein liten kommentar til filmen: ballen var ute.

Neste kamp spelast no på onsdag kl 20.15, som alltid i Ranheimshallen, mot Klæbu kommune/Tanem.

Heilt til slutt vil eg fortelje at eg fekk med meg ein TØH-gutt inn til byen (han hoppa av i svingen rett før sentrum (det var ein vits, ja)), og han er den fyrste personen eg har møtt som var rett Ålesunding og samtidig skarra på r-ane!

Takk for meg.

#Volleyball#Nynorsk#SVV

Tida er komen for ei lita oppdatering frå Volleyball-avdelinga i Vegvesenet. 

Ingen bilete

Eg har dessverre ingen bilete frå ein einaste kamp, og difor har eg valt å lage mine egne bilete/teikningar/illustrasjonar for å oppsummere alt som har hendt.

Ei interessant opplysning om våre sigrar/tap:

Dess fleire på motstandarlaget, dess betre har vi spelt. Eg veit ikkje heilt kvifor det er slik. Har du ein teori, kan du dele denne i kommentarfeltet.

Litt om laget

Vi er omlag fem-seks som er relativt faste på laget, og så dukkar det opp andre no og då. Det kan hende det kjem ein liten presentasjon av dei aller fastaste seinare, kor dei fortel om sine sterke og svake sider, samt sine fysiske mål for sesongen. Følg med på bloggen!

Sekkformasjon

I Vegvesenet svergar vi til den såkalla «sekkformasjonen» som oppstilling på banen. Eller, det er i alle fall nokon på laget som svergar til denne.

Slik ser sekkformasjonen ut (Fugleperspektiv):

Om du legg godvilja til, skal du sjå at dei fem bakarste spelarane formar ein slags sekk.

 Ein kunne kanskje kalt formasjonen noko anna - eg tykkjer at å «stå som ein sekk» har ein litt slapp og umotiverande klang over seg. Når det er sagt, er det tydelegvis noko med Vegvesenet og sekkar (hint: Jubileumssekken), så kanskje er det difor vi held fast både på namnet og formasjonen?

Litt om nokre av kampane

Eg klarar ikkje å huske så mykje frå alle kampane, så no kjem ei særs selektiv oppsummering direkte frå mitt hovud.

Vår andre kamp spelte vi mot The Internationals. Det var ein utruleg morosam kamp, og trass i ujamne lag, var The Internationals veldig sporty og lagde god stemning på banen. Etter kampen blanda vi oss og spelte for gøy med litt meir jamne lag.

Kamp nummer tre spelte vi mot Teletubbies, dvs Telenor - og vi vann. Hovudorsaka til sigeren (mi personlege meining) var at telenor var svært mykje i nettet (tek du dobbeltydinga?)

Dei to neste kampane, høvesvis mot TØH og Nordic Semiconductors, hugsar eg nesten ingenting av, anna enn at vi vann.

Siste kamp er verdt å snakke litt om. Vi tapte mot to gutar/menn frå Luftkrigsskulen, og etter mi meining spelte vi temmeleg svakt. Dei var veldig flinke, og i god form - men sjølv når ein er i god form blir ein sliten av å spele med kun to spelarar på laget. I andre sett fekk vi eit innblikk i korleis ein kommuniserar med kvarandre på luftkrigsskulen:

Det var alt for no. Om du er interessert i faktiske resultat frå kampane, finn du det her.

Neste kamp spelast fyrstkomande onsdag (12.mars) kl 20.15 i Ranheimshallen, mot Ladestien barnehage (dei ansatte). Vi har éi nokså fast heiajente, men ynskjer oss sjølvsagt både fleire spelarar og tilskodarar!

#Takkformeg